ريجيم مدة 5 شهور

السلام عليكم ورحمة الله وبركاته
اخواتى الحبيبات
لا يخفى على كل زائرات قسم الرشاقة ان روفى من الاعضاء المؤسسين ليه وطبعا ده من شطارتى الفائقة فى إنزال الوزن
مريت بعدة تجارب كانت ناحجة ونزل وزنى بالفعل وبعد ولادتى لابنتى الصغيرة مكان وزنى 97
واستمريت فى عمل الانظمة الورياضة الى ان رايت 84 وبعينى ولاول مرة منذ فترة طويييلة جدا
ولكن للاسف
تقريبا استكترت الفرحة على نفسى وكان عندى حفلة يوم ما وزنت نففسى ونسيت نفسى من بعدها
اى من 3 اسابيع

ونسيت نفسى بمعنى الكلمة لدرجة انى بعد ما كنت بوزن نفسى كل يوم فرحا بنفسى وبارادتى القوية كل يوم من ساعتها لم اقف على الميزان مرة واحدة ومعرفش انا بقيت كام
واعتقد انى عديت ال 90 تانى
بس ان شاء الله اللى خلانى انزل لل 84 قادر على انه يساعدنى انى انزل للوزن المطلوب تانى
فى الصفحة دى هابدأ معاكم فى يومياتى هاكتبلكم كل يوم وكل ساعة انا اكلت ايه
والرياضة معايا ايه نظامها وكل حاجة
حتى لو عندى عزومة والا حاجة هاحكيلكم كل حاجة بالتفصيل ان شاء الله

الاول هابدأ بالريجيم اللى ناوية اتبعه من بكرة الثلاثاء ان شاء الله وهو:


السبت:جميع أنواع الفواكه (برتقال،تفاح،كثرى،يوسفي،خوخ)ماعدا الموز والمانجو.
الأحد: فطور :2 حبة خيار + 2 حبة جزر + 2 حبة خس.
الغداء: طبق مشكل من الخضار المسلوقة + مرق الدجاج + كزبرة.
العشاء: طبق سلطة خضراء.
الاثنين: الفطور: فاكهة.
الغداء: طبق خضار بدون لحم .
العشاء: طبق فاكهة مشكل أو سلطة خضراء.
الثلاثاء: الفطور: 2 حبة موز + كأس حليب قليل الدسم.
الغداء والعشاء: 3 حبات موز + 2 كأس حليب قليل الدسم.
الأربعاء: الفطور: 2 بيض مسلوق.
الغداء: لحم أو دجاج أو سمك مشوي.
العشاء: طبق سلطة خضراء أو فاكهة.
والخميس والجمعة مثل يوم الأربعاء

ملحوظات مهمة:
1-لن يتم الوزن الا بعد مرور اسبوعين من بداية الريجيم( وده من اكبر عيوبى انى بوزن تقريبا كل ساعة)
2-ان شاء الله هيكون فيه رياضة بصورة يويمية( دعواتكم)